​​​​​​​Қазақ эстарадасында өзіндік қолтаңбасы бар «Жігіттер» квартеті ауқымды іс-шара, атаулы мерей-той, көңілді кештеріңіздің баянды өтуіне себепкер болуы әбден мүмкін.  

Өнерлі де сүйкімді, қазақтың қоңыр дауысты жігіттерінен құралған «Жігіттер» квартетінің бүгінде миллиондаған табынушылары бар деп  еш күмәнсіз айтуға болады. Үлкен сахнада 10 жылдан астам өнер көрсетіп жүрген топ ұлттық эстрадамыздың ән қорына талай тамаша туынды қосып, ескі де есті әндерді жаңаша жаңғыртты.

Өнерлерін лирикалық бағытта бастаған квартеттің қазіргі репертуары жаңа жанрларға тән әндермен байып үлгерді.

«Сен үшін»,  «Арман-ау», «Бақытты бол», «Ерке қыз» сынды аса танымал әндері тек қана қазақ халқының ғана емес, өзге де елдердің көңілінен шыққан болатын.

Кешіңіздің әсем әуенді, тартымды, құлаққа жағымды, терең сезімді болып өтуіне баса ықпал ететін «Жігіттер» квартеті ықыласты көңілменен өнерлерін паш етіп, ұмытылмас әсер қалдыратыны сөзсіз.